日本"曼秀雷敦"Acnes抗菌痘痘貼Medicated Anti-Bacteria Spot Dressing (36片)

小妹LaLa近排突然大爆數粒暗瘡,之前用開3M貼(有興趣睇返20年9月寫嘅Blog),但黐咗三晚都吸唔大大粒嗰粒啲液體,所以就去揾其他牌子,係Manning見到呢隻,就買黎試. 對比3M隱形貼果隻,呢一隻算好黐唔太易甩,薄過3M少少,冇咁礙眼,但依然有點點厚度同唔太隱形,外出用唔到,不過佢個小盒入面有一個細夾,非常貼心,同樣有兩個唔同大細size嘅痘貼.(1.2cm x 12片 / 0.8cm x 24片). 一晚後痘痘貼會由透明變成白色(代表黐住晒痘痘分泌物),分泌物吸晒出嚟,之後暗瘡好快謝,小妹LaLa黐左兩三日,大粒嘅暗瘡平左少少,細粒嗰啲一兩日就差唔多平晒,唯一注意係用之前要確保暗瘡範圍乾爽,唔好搽任何護膚品係暗瘡位,如果有少少面油,最好印走佢,唔係會黐唔太實. #痘痘貼 #痘貼 (此文章由U Blog 同步發佈至社群)